Од денес 19.06.2021 влез во Грција и со брз тест!

Согласно новата одлука која пристигна од граничниот премин на Република Грција сакаме да ги известиме сите патници дека од 19.06. (сабота) освен со ПЦР тест не постар од 72 часа, Сертификат за примена вакцина (со 14 дена поминати од втората доза) и доказ дека имате прележано Ковид-19 во период од 2 до 9 месеци, влез на наши државјани се дозволува и со негативен брз тест за Ковид-19, кој не треба да биде постар од 48 часа.

За деца до 12 годишна возраст останува одлуката дека не е потребно приложување на било каков негативен тест за корона.

Останува задолжително за сите граѓани при влез во Грција да го приложат формуларот PLF (Passenger Locator Form)  кој можете да го најдете на веб страната https://travel.gov.gr и истиот треба да го пополните минимум еден ден пред тргнување.

Исто така останува да важи забраната за преминување на границата со Грција (Евзони) во период од 22:00 до 06:00 часот.